Hawliau Gweithwyr
Cyflogwr Cyflog Byw
Mae Prifysgol Bangor yn gyflogwr , wedi'i achredu gan y Sefydliad Cyflog Byw. Y Cyflog Byw go iawn yw'r unig gyfradd gyflog yn y DU sy'n cael ei thalu'n wirfoddol gan dros 7,000 o fusnesau yn y DU sy'n credu bod eu staff yn haeddu cyflog sy'n diwallu anghenion bob dydd - fel y siop wythnosol, neu daith annisgwyl i'r deintydd.
Cydraddoldeb i Staff Allanol
Ar unrhyw gontractau newydd lle byddai’r gwasanaethau’n cael eu dosbarthu fel rhai sy’n cael eu rhoi ar gontract allanol, gofynnwn i’r cyflenwr ddisgrifio sut y bydd yn ymrwymo i arferion gwaith teg ar gyfer gweithwyr sy’n ymwneud â chyflawni’r contract hwn (gan gynnwys unrhyw weithwyr asiantaeth neu is-gontract).
Mae Prifysgol Bangor wedi mabwysiadu Cod Ymarfer Llywodraeth Cymru ar Gaffael Moesegol mewn Cadwyni Cyflenwi ac rydym yn disgwyl i gontractwyr ddefnyddio dull tebyg mewn perthynas ag arferion gwaith moesegol. Mae hyn wedi’i gynllunio i sicrhau bod gwasanaethau cyhoeddus o ansawdd uchel yn cael eu darparu ledled Cymru gan weithlu sy’n cael ei drin yn gyfreithlon, yn deg ac yn ddiogel, ac sy’n cael ei wobrwyo’n dda. Mae’r Cod hwn yn cynnwys ymrwymiad i ystyried hyrwyddo’r Cyflog Byw mewn contractau perthnasol. Gallai tystiolaeth o arferion gwaith teg gan gyflenwyr gynnwys:
- polisi cyflog teg a chyfartal sy'n cynnwys ymrwymiad i dalu'r Cyflog Byw o leiaf i bob aelod o staff;
- dod yn Gyflogwr Cyflog Byw achrededig;
- sicrhau bod pob aelod o staff yn gallu manteisio ar gyfleoedd hyfforddi a datblygu;
- hyrwyddo cyfle cyfartal i'r holl staff waeth beth fo'u hoedran, rhyw, anabledd, crefydd, hil a chyfeiriadedd rhywiol;
- cyflogaeth sefydlog, gan osgoi defnydd amhriodol o gontractau dim oriau, a chwmnïau cyflogaeth ambarél;
- trefniadau gweithio hyblyg i ganiatáu cymorth i ofalwyr, ac ar gyfer gweithio sy'n ystyriol o deuluoedd;
- cefnogi ymgysylltiad y gweithlu, er enghraifft cydnabyddiaeth a chynrychiolaeth Undebau Llafur, neu drefniadau eraill ar gyfer grymuso staff.
Masnach Deg
Rydym yn cynnig ac yn cefnogi cynnyrch achrededig Masnach Deg yn ein holl fannau gwerthu, ac efo achrediad Masnach Deg. Rydym hefyd yn cefnogi myfyrwyr i ymchwilio i Fasnach Deg, cyfiawnder masnach a defnydd moesegol yn eu traethodau hir.
Strategaeth, perfformiad ac arfer gorau yng nghaffael
Yn unol â Chynllun Strategol Prifysgol Bangor, mae ei Strategaeth Caffael am y blynyddoedd 2023-2026 yn ystyried cynaliadwyedd yn un o brif amcanion caffael strategol.
Cenhadaeth Prifysgol Bangor dros gaffael yw darparu gwasanaeth caffael o ansawdd uchel sy'n addas i'r diben ac sy’n cydymffurfio, a fydd yn sicrhau gwerth am arian wrth gefnogi a chyfrannu at amcanion arloesedd, cydraddoldeb, cynaliadwyedd a chymdeithasol y Brifysgol.
Cefnogir y Strategaeth Gaffael gan nifer o fesurau perfformiad cynaliadwyedd a fydd yn cael eu hasesu bob blwyddyn, megis y nifer y projectau sy’n cynnwys cymalau gwerth cymdeithasol a/neu werth y budd cymdeithasol a geir trwy gaffael, a'r nifer y contractau newydd ac wedi’u hadnewyddu sy'n cael eu hasesu gan ddefnyddio'r Rhestr Wirio Caffael Cynaliadwy. Mae’r mesurau hefyd yn cynnwys asesiad o wariant gyda chyflenwyr o Gymru, a'r nifer y rhai sy’n tendro’n llwyddiannus sydd â Safon Llwybr at Sero Net.
Fel aelod o’r sector cyhoeddus yng Nghymru, mae Prifysgol Bangor yn mabwysiadu arfer gorau sy’n cydfynd ag argymhellion Gwerth Cymru (Llywodraeth Cymru). Mae’r brifysgol wedi mabwysiadu egwyddorion Datganiad Polisi Caffael Cymru, sy’n cefnogi’r nod o gyflawni amcanion lles Cymru fel y nodir yn Neddf Llesiant Cenedlaethau’r Dyfodol (Cymru) (2015). Mae un o’r prif egwyddorion yn anelu at sicrhau manteision cymdeithasol, economaidd ac amgylcheddol trwy weithredu polisi Manteision Cymunedol mewn modd effeithiol. Mae cynlluniau Manteision Cymunedol gan Parc Gwyddoniaeth Menai ac mae’r contractwr wedi cwblhau’r Adnodd Mesur Mantais Gymunedol i gofnodi’r amrywiol fanteision cynaliadwyedd a gyflawnir fel rhan o’r project.
Darllenwch fwy am y Strategaeth Gaffael yma.
Electronics Watch
Fel aelod llawn o rydym yn gallu elwa o arbedion arian parod ac adnoddau sylweddol o gaffael cydweithredol a mynediad at dros 100 o gytundebau fframwaith wedi'u harwain yn benodol.
Wnaeth fel aelod cyswllt ar ran aelodau yn ogystal â nhw eu hunain o Medi 2019. Mae Electronics Watch yn sefydliad monitro annibynnol a sefydlwyd gyda'r pwrpas o amddiffyn hawliau gweithwyr o fewn cadwyni cyflenwi. Maent yn canolbwyntio ar weithio gyda sefydliadau sector cyhoeddus sy'n prynu electroneg a chydweithio â nhw i gael effaith gadarnhaol ar weithwyr trwy'r nwyddau y mae'r sector cyhoeddus yn eu caffael.
Caethwasiaeth a masnachu pobl
Yn sgil cyflwyniad Deddf Caethwasiaeth Fodern 2015, mae gofyn i’r brifysgol gyhoeddi datganiad, yn nodi cadwyni cyflenwi lle ceir perygl o gaethwasiaeth neu fasnachu pobl a nodi’r camau a gymerwyd i asesu a rheoli’r risg hwnnw. Bydd y brifysgol yn anelu at fabwysiadu cod ymarfer arfaethedig Llywodraeth Cymru ar gyflogaeth foesegol mewn cadwyni cyflenwi.
Caffael Offer TG
Mae’r brifysgol yn prynu offer TG trwy gytundebau fframwaith consortia AU. Caiff ein cyfrifiaduron pen desg a gliniaduron eu prynu trwy’r “National Desktop & Notebook Agreement”, dan gontract i’r “London Universities Purchasing Consortium (LUPC)”. Mae’r LUPC yn aelod o “Electronics Watch” ac felly mae gan Brifysgol Bangor sicrwydd bod yr offer TGCh a brynir ganddi yn dod o ffynhonellau moesegol.
Darllenwch fwy am Gyllid a Chaffael
Cyllidebu ar gyfer Cynaliadwyedd