Îá°®³Ô¹Ï

Mae Prifysgol Bangor yn falch o gyflwyno GLOBE, sef rhaglen Meistr ar y Cyd Erasmus Mundus arloesol mewn Ecoleg Newid Byd-eang a Rheoli Bioamrywiaeth. Mae'r ymdrech gydweithredol hon, mewn partneriaeth ag (URJC), (ULisboa), ac  (UATx), yn mynd i'r afael â'r heriau byd-eang dybryd a achosir gan newidiadau amgylcheddol a cholli bioamrywiaeth.

Mewn oes lle mae ecosystemau’n cael eu bygwth fwyfwy gan ffactorau megis defnydd anghynaliadwy o dir a môr, gor-ecsbloetio, newid yn yr hinsawdd, llygredd, a rhywogaethau ymledol, mae’r angen am weithwyr proffesiynol medrus ym maes rheoli bioamrywiaeth yn bwysicach nag erioed. Mae GLOBE wedi'i gynllunio i feithrin rhagoriaeth academaidd a chydweithrediad byd-eang, gan ddarparu hyfforddiant rhyngddisgyblaethol cynhwysfawr i fyfyrwyr. Mae'r rhaglen yn cyd-fynd â Chyfraith Adfer Natur a Strategaeth Bioamrywiaeth yr Undeb Ewropeaidd ar gyfer 2030, gan osod yr Undeb Ewropeaidd ar flaen y gad o ran mentrau cadwraeth byd-eang.

Deilliannau Dysgu

Bydd graddedigion GLOBE yn:

• Deall ysgogwyr ac effeithiau newid byd-eang ar fioamrywiaeth.
• Ennill sgiliau uwch mewn dadansoddi ystadegol a modelu ar gyfer astudiaethau cadwraeth.
• Datblygu arbenigedd ymarferol mewn technegau cadwraeth bywyd gwyllt a geneteg cadwraeth.
• Cael mewnwelediad i gynaliadwyedd ecolegol, llywodraethu amgylcheddol, a'r cyfnod pontio i fioeconomi.
• Hyfedr wrth gyfathrebu cysyniadau ecolegol cymhleth i gynulleidfaoedd amrywiol.

Nod GLOBE yw cynhyrchu graddedigion hynod gymwysedig gyda phersbectif rhyngwladol, sy'n barod i bontio'r bwlch rhwng rhanddeiliaid a llunwyr polisi mewn amrywiol sectorau, gan gynnwys ymchwil, polisi, ymgynghoriaeth ac ymgyrched.

Beth fyddwch chi’n ei astudio ar y cwrs yma?

Mae GLOBE yn cynnig cwricwlwm ar y cyd dros ddwy flynedd, sydd wedi’i strwythuro i ddarparu profiadau rhyngwladol amrywiol i fyfyrwyr:

• Semester Cyntaf yn URJC (Sbaen): Canolbwyntio ar gysyniadau uwch mewn asesu newid byd-eang a chadwraeth bioamrywiaeth, wedi'i ategu gan hyfforddiant mewn dadansoddi data, ysgrifennu gwyddonol, a chyfathrebu.
• Ail Semester ym Mhrifysgol Bangor (y Deyrnas Unedig): Pwyslais ar gadwraeth bioamrywiaeth, gan integreiddio gwyddorau naturiol, cymdeithasol a chymhwysol â gwaith maes ymarferol i archwilio patrymau, bygythiadau a strategaethau cadwraeth.
• Ysgol Haf yn Universidad Autonoma de Tlaxcala UATx (Mecsico):  Bydd integreiddio gwaith maes a’r orsaf arbrofol yn cyfoethogi’r profiad dysgu ymhellach, gan ganiatáu i fyfyrwyr astudio heriau ecolegol ac arferion cadwraeth drostynt eu hunain mewn ecosystemau amrywiol iawn.
• Trydydd Semester yn ULisboa (Portiwgal): Cymhwyso gwybodaeth a enillwyd i fynd i'r afael â heriau ecolegol, gan gyfarparu myfyrwyr â’r offer i ymgymryd â rheolaeth amgylcheddol yn effeithiol.
• Pedwerydd Semester (dewis myfyrwyr o sefydliadau partner): Yn ymroddedig i draethawd ymchwil Meistr, gan ganiatáu i fyfyrwyr gynnal ymchwil manwl o dan arweiniad arbenigwyr rhyngwladol.

Mae'r rhaglen yn cynnwys cyfnodau symudedd gorfodol, ysgol haf, a digwyddiadau ar y cyd i wella sgiliau trosglwyddadwy a chyfleoedd rhwydweithio.

Dewch ar daith drawsnewidiol gyda GLOBE i ysgogi newid mewn rheoli bioamrywiaeth fyd-eang. Gyda’n gilydd, gallwn gael effaith sylweddol ar gadwraeth, a gallwn adfer ecosystemau ein planed.